Komiteti Kombëtar Demokrat "Shqipëria e Lirë" u krijua nga Midhat Frashëri në vitin 1949 në Paris. Pas vdekjes së Midhat Frashërit e deri në vitin 1990 ky komitet u drejtua nga prof. Abas Ermenji. Komiteti Kombëtar Demokrat "Shqipëria e Lirë" ka lozur një rol me rëndësi gjatë Luftës së Ftohtë në mbrojtjen e të drejtave të popullsisë shqiptare të Kosovës ndaj genocidit serb dhe ka punuar për sensibilizimin e opinionit ndërkombëtar në lidhje më çështjen e Kosovës. Komiteti ka denoncuar vazhdimisht regjimin anti-njerëzor komunist dhe është përpjekur që t'i shtyjë shqiptarët drejt demokracisë duke u mbështetur në vlerat e kulturës dhe moralit kombëtar.